Kete deste me kaxeza çavbelek
Me keyf je ra hat hûn bizanin gelek
Çikû me j’wî zanî ku hûn keyfxweş în
Bela we tunîne şukur hûn geş în
Li cem me ji ve nîne mestir meram
Hezar hemd ji bo xaliqe layenam
We behsa zebeş kir wisa keyf me hat
Hema em firîn qet nema me tebat
Zebeşe li ber çemm û nan genim
Ku hazir bibîtin (benimdir benim)
Eger hûn dipirsin li wed’a hire
Di nav koçer û ehliyan da şer e
Dizî ew dikin j’ ev biroj û bi şev
Dişewtînin û koz û mer’aye hev
Xezeb ketye nav wan da bîllah ‘iyaz
Eger ku dewam kit serî be pîvaz
Me hevî j’Xuda bigrî ew vî derî
Ji nav ümmete hilnî ew vî şerî
Heçî şeyx e vî dem mijûlî xwe ye
Ji lew derket herkes ji hede xwe ye
Mijûliya şeyx dost dizanin çî ye
Nizanin çi kin em heçî ku biye
Xuda karî derman kî vî derdê he
Ku dostî bixî nav wan da nihe
Xuda me hifız kit j’bela û xezeb
Di dünya û axret nedî me te’eb
Biçin cennetê tabi’ê Mustefa
Em û hûn û dostan bi keyf û sefa
Selamê diya te bizan me veda
Me jê ra du’a gelkî xwestin j’Xuda
Xuda wî ‘efü kit bi fedl û kerem
Bibî cennetê bê cefa û elem
Heçî ku Xuda kit li meydan ew e
Hinek wê hene kıı bibêjin ne we
Siha darê hingî didit qîmetî
Dema bête dîtin ji cih ew ketî
Bike keyf û lezzet j’xwe ra l’ber sihê
Ku dara te bimnî j’xwe ra hê l’cihê
Ji darê murada me zatê mezin
Bikin feyde her dem ji wan ku hebin
