Me dî l’dine da pur ‘eceb
Nayen hisab û deftere
Yek jî ji wan dostan nema
Qet şubhete doste bere
Te bejî ev doste j’dil in
Maşaellah tev kakil in
Yekrûh in û duşekil in
Te hew dî bûn l’fikra kere
Belkî ji wan ker çetir e
Çunkî reben barhilgir e
Bi ku bibin be qirqir e
Ne wek va dest ser xencere
Dostaniya j ’dil bû xela
Hetta di nev şeyx û mela
Rihl ‘aqila bûye bela
Hetta divin b’çin meqbere
Zû j’hev diçin dost û heval
Ser hev didin ew erzûhal
Seb tiştekî pur bekemal
Tu meyzekî l’bin hecere
Nînin hekîm îş çebikin
Nav ‘ aleme da bin sekin
Derd û bela derman bikin
Şewqe bidî wek fenere
Me j’Rebbe xwe hîvı lıey e
Ku bîtin zû Thana me ye
Hilnî eve j’nava me ye
Em bin biraye cegere
Piştî eva qehr û kula
Derman bikin derd û bela
Geş bin bi hev ra wek gula
Hettam biçîne mehşere1
Ey Seyd ‘Eli nebi nebî
Tirsa te qet j’keskı hebı îmam
‘Elî cedde te bî
Girt destkî derye Xeybere
