Muhemmed Eta pur selam ser te be
Dere xer û xweşye li ser te vebe
Me seh kirye tiştek çi şîrîn û xweş
Me çav bûye rohnî me dil bûye geş
Ku ferxik te bûn cot bi fedla
Xude Xuda wan bihelî bi bab û bi de
Bi bapîr û pîrik bi mam û bi xal
Bi keyf û bi şahî bi ‘izz û delal
Ne herdu tene bin gelek dî hebin
Di dîn û di dunyaye serdeste bin
Xuda wa spehî kit bi ‘ilm û ‘emel
Di wan da nehele tu ‘eyb û xelel
Li ser reza ecdade xwe ew biçin
Di şer‘a şerîf da bibin ew rikin
Me ra he tu sax bî bibin ew mezın
Bi fedl û kemal û bi mal û bi jin
Di deste me nîn e ku laîq bitin
Tu tiştek ji xeyre du‘a em bikin
Me hâvî j’Xudaye Te‘ala ew e
Nebinin di ‘umre xwe derde hewe
