Selama Xuda I ser te bit ey
Cemîl Di dünya û uxra nebî tu zelîl
Çi mizgîniyek xweş me seh kir bira!
Di mala hewe rohnî bû yek çira
Biçûkek ji bona we daye
Xuda Xuda wî bihelî bi bab û bi da
Ji ewlade salih bigerînî wî
Bi Şeytan û nefse nexîrrînî wî
Bixun fekiye ‘umre wî hûn b’xweşî
Nebînin li derheqqe wî tu reşî
Tu bimnî ji wî ra heta bibte mer
Me hevî j’Xuda merekî b’xer û ber
Tu dilrehtiye qet nebînî tu je
Di dîn û di dünya tu razî bî je
Ji wî ra bibîn pîrik ü da sekin
Heta xel û dawet ji wî ra bikin
Emanet tu navek xweşik dane ser
De paşî ji wî ra nebîtin keder
Ku nav her belaş bîn çira nave min
Nedanî ji nave xweşik nave min
De belkî bi fala wî navê temîz
Di nava hevalan bibîtin ‘ezîz
Çawa hûn dixwazin j’we ra ew we bit
Derê xêr û xweşyâ li ser we vebit
Dereng e Fehîme bibine j’me re
Keça yek jinûbî feqet têrpere
Weyaxud keça sofiyek taze têr
Sexî bit di mala xwe da merdemér
Beré me nede qet tu şeyx û mêla
Çikû ew ji mû ra dibîtin bela
