Wefa û dositî çûn bûne winda
Nizanin em biçîne l’kê derê da
Eger bêhnek ji cem camêrekî bê
Hezar mani‘ bi hev rà têne rê da
Xilaf û tev gerav e dostiya me
Ji lewra em ketin vê enqerê da
Temam ‘îşâ me bûye qehr û rehtî
Derê zewqê li me Xaliq girêda
Çi yazox e ku dostî b’dev tenê bî
Berê dev baskî xeyrê dil b’şere da
E’nabêjim e’safî me ji dostan
Yek in em tev di vê leystik û birê da
Sebeb vîqasî em mane bi şûn da
Ev e qeyda wekû pê me girêda
Heçî vê qeydê neşkînî di îro
Siba rûreş ewê bê mehşere da
Eger te d’vê tu binvîsî xetê rast
Tu binvîse xetê xwe d’mesterê da
Ji rastiyê serastî tête şûnö
Ev e ‘adet Xudayê me j’berê da
‘Elî j’tecrîbê gelkî bûye zane
Çiku ‘umrê wî bûrî d’ve gerê da
Dikim hêvi li dergahê te ya Reb
Tu binvîsî ‘Elî j’rastên di rê da
