Xemrevînek min hebû pur nazik û zîbaxîsal
Ez ji wê dûr bûm bi telbîsa reqîbê dînbetal
Ez pijandim firqeta wê nazika şîrînkelam
Bêkes im nabit li min qet pursiyar û hem suai
Ez birîndar û xerîb im bêdewa û bêtebîb im
Kuştiyö cewra reqîb im hêviya min Zulcelal
Her dema têtê xiyalim suhbet û bezma wîsal im
Pur dinalim pur dikalim firqetê kir me hîlal
Wek ‘Elî zanit kesî camek ji hicranê vexwar
Sa’etek devra fîraqê purtir e j’sala wîsal
Ey gelo dîsa dibîtin ez bibînim dilberê
Da bi desta dim li ser weqtê fîraqê erzûhal
Herkesê mizgîniya weslê ji bo min bînitin
Ruhê xwe ez dê bidim jê re di şûna milk û mal
